មន្ត្រីតុលាការប្រជុំពង្រឹងសមត្ថភាព ស្របពេលមានការតវ៉ាទាមទារដោះលែងមន្ត្រីសិទ្ធិមនុស្សនិងគ.ជ.ប
05-May-2016 | ដោយ មែន កំសត់
ភ្នំពេញ ៖ នៅព្រឹកថ្ងៃទី៥ ខែឧសភា ឆ្នាំ២០១៦ នេះ សាលាដំបូងរាជធានីភ្នំពេញ មានបើកកិច្ចប្រជុំមួយ ដើម្បីពង្រឹងសមត្ថភាពមន្ត្រីតុលាការ និងមន្ត្រីនគរបាលយុត្តិធម៌ ក្រោមអធិបតីភាពឯកឧត្តម អ៊ុក សាវុធ អគ្គព្រះរាជអាជ្ញាអមសាលាឧទ្ធរណ៍។
នេះបើតាមការបញ្ជាក់ឲ្យដឹងពី លោកព្រះរាជអាជ្ញារង លី សុផាណា និង ជាអ្នកនាំពាក្យអយ្យការអមសាលាដំបូងរាជធានីភ្នំពេញ។
ជាមួយគ្នានេះ គេសង្កេតឃើញវត្តមាន ចៅក្រម ព្រះរាជអាជ្ញា ព្រះរាជអាជ្ញារង សាលាដំបូងរាជធានីភ្នំពេញ និង ចៅក្រម ព្រះរាជអាជ្ញាមកពីសាលាឧទ្ធរណ៍ផងដែរ។ ក្រៅពីនេះ ឯកឧត្តមនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ ក៏មានវត្តមានដែរ ។
ការប្រជុំនេះ ស្របពេលដែលមានសេចក្ដីរាយការណ៍ថា នឹងមានការប្រមូលផ្តុំសកម្មជន-យុវជន គណបក្សសង្គ្រោះជាតិ នៅខាងមុខសាលាដំបូងរាជធានីភ្នំពេញ ដែលមានទីតាំងនៅផ្លូវ២១៧ សង្កាត់វាលវង់ ខណ្ឌ៧មករា ក្នុងនោះក៏មានក្រុមសហគមន៍ដីធ្លី ទៅចូលរួមផងដែរក្នុងគោលបំណងទាមទារអោយមានការដោះលែងមន្ត្រីអាដហុក និងអគ្គលេខាធិការរង (គ.ជ.ប) ៕
ចំនួនអ្នកទស្សនា
- ថ្ងៃនេះ7261
- ម្សិលមិញ12561
- សប្តាហ៍នេះ35211
- ខែនេះ57091
- ឆ្នាំនេះ57091
- សរុប20499547